ABŞ və Kanada kəşfiyyat orqanları Nyu-Yorkdakı yəhudi mərkəzinə İŞİD (İslam Dövləti, İD; terror təşkilatı) tərəfdarı olan 20 yaşlı Pakistan vətəndaşı Məhəmməd Şahzeb Xan tərəfindən həyata keçirilməsi nəzərdə tutulan terror aktının qarşısını alıblar. Rusiyada qadağandır).
NOCOMMENT.az xəbər verir ki, bu barədə ABŞ Ədliyyə Nazirliyi departamentin rəsmi saytında dərc olunan bəyanatda bildirib.
“Şübhəli şəxs 2024-cü il oktyabrın 7-də Nyu-Yorkda terror aktı törətməyi planlaşdırırdı. O, İŞİD adı ilə mümkün qədər çox yəhudi öldürmək niyyətində idi. FTB- nin işi və kanadalı tərəfdaşlarımızın çevik tədbirləri sayəsində müttəhim nəzarətə götürülüb”, – ABŞ Baş prokuroru Merrik Qarland bildirib.
Ədliyyə Nazirliyinin məlumatına görə, şübhəli şəxs Kanadadan ABŞ-a getməyə cəhd edib, orada İŞİD-ə dəstək məqsədilə kütləvi cinayət törətmək üçün avtomatik və yarı avtomatik silahlardan istifadə etmək niyyətində olub. Bundan başqa, o, sosial şəbəkələrdə terror təşkilatının təbliğat xarakterli video çarxlarını və ədəbiyyatlarını yayıb.
Avqustun 29-da ABŞ Mərkəzi Kəşfiyyat İdarəsi Avstriya hakimiyyətinə amerikalı müğənni Teylor Sviftin Vyanadakı konsertinə terror hücumunun qarşısını alan İŞİD-in planları haqqında kəşfiyyat məlumatı təqdim etdiyini bildirdi.
