ABŞ-ın Florida ştatının Mayami şəhərindən Çilinin paytaxtı Santyaqoya 271 sərnişinlə uçan təyyarənin kapitan pilotu uçuş zamanı tualetdə həyatını itirib.
NOCOMMENT.az xəbər verir ki, “The Independent” qəzetinin xəbərinə görə, “LATAM” Hava Yolları Mayami-Santyaqo reysini yerinə yetirən təyyarənin kapitan pilotlarından birinin yıxılması səbəbindən Panama Tocumen hava limanına təcili eniş etdiyini açıqlayıb.
Eniş zamanı kapitan pilot İvan Andauruna təcili müdaxilə edildiyi qeyd edilən açıqlamaya görə, 56 yaşlı Andauru xilas etmək mümkün olmayıb.
LATAM Hava Yollarının açıqlamasında 25 illik karyerasında verdiyi töhfələrə görə həyatını itirən kapitan pilota təşəkkür edilərək, ailəsinə başsağlığı verilib və uçuş zamanı sərnişinlərin təhlükəsizliyi üçün bütün tədbirlərin görüldüyü vurğulanıb. .
NOCOMMENT.AZ
