ABŞ Xəzinədarlığı Prezident Donald Trampın təsviri olan 1 dollarlıq yeni kolleksiya sikkələri buraxmağı düşünür.
NOCOMMENT.az “Fox Business”ə istinadən xəbər verir ki, bu addım ABŞ-nin yaranmasının 250 illiyi çərçivəsində planlaşdırılır.
Layihədə ABŞ-nin hazırkı prezidenti Donald Tramp Amerika bayrağı fonunda qaldırılmış yumruqla təsvir olunacaq. Bu görüntünün 2024-cü ildə ona qarşı sui-qəsddən sonra çəkilmiş məşhur fotoya istinad etdiyi vurğulanır.
Lakin Xəzinədarlığın sözçüsü bildirib ki, son dizayn hələ təsdiqlənməyib.
Xatırladaq ki, iyunun 25-də Trampın portretinin əks olunduğu qızıl sikkələr buraxılıb.
