Rumıniyanın ölkədə keçirilən prezident seçkiləri nəticəsində xarici siyasətdə qərbyönümlü kursdan çıxa bilməsi Rumıniyadan Amerika investisiyalarının axınına səbəb ola bilər.
NOCOMMENT.az xəbər verir ki, bu barədə ABŞ Dövlət Departamentinin bəyanatında deyilir.
“İstənilən belə dəyişiklik (seçkidən sonrakı siyasət) ABŞ-ın Rumıniya ilə təhlükəsizlik sahəsində əməkdaşlığı üçün ciddi mənfi nəticələrə səbəb olacaq, xarici investisiyaların məhdudlaşdırılması qərarı isə ABŞ şirkətlərini Rumıniyaya investisiya qoymağa davam etməkdən çəkindirəcək”, – sənəddə bildirilir.
Qeyd olunur ki, Birləşmiş Ştatlar Rumıniyanın “güclü NATO müttəfiqi” və Vaşinqtonun Aİ-dəki tərəfdaşı kimi rolunu yüksək qiymətləndirir. Dövlət Departamenti xatırladıb ki, tərəflər güclü tərəfdaşlıqları sayəsində “müdafiə sahəsində əməkdaşlığımızda” və iqtisadi tərəfdaşlıqda mühüm irəliləyiş əldə ediblər.
