ABŞ-ın Beynəlxalq Cinayət Məhkəməsinin (ICC) Rusiya və İsrailə qarşı hərəkətlərinə verdiyi qiymət ikili standartların və ikiüzlülüyün nümunəsidir.
NOCOMMENT.az xəbər verir ki, bu fikri Rusiyanın Vaşinqtondakı səfiri Anatoli Antonov deyib.
“Bu, ikili standartların daha bir nümunəsidir və Amerika riyakarlığının paradıdır. ABŞ hakimiyyəti BCM-nin legitimliyini inkar edir və söhbət Vaşinqtonun özünün və müttəfiqlərinin maraqlarından getdikdə bu strukturu sanksiyalarla qorxudur. Lakin onlar vicdan əzabı çəkmədən bu psevdo-hüquqi alətdən düşmən hesab etdikləri şəxslərə qarşı istifadə edirlər”, – diplomat bildirib.
Antonovun sözlərinə görə, “dünyada heç kimin insan haqları məsələlərindən bir məqsəd naminə – arzuolunmaz ölkələrlə hesablaşmaq naminə sui-istifadə edən ABŞ-ın küfr siyasəti ilə bağlı illüziyası olmamalıdır”.
