ABŞ İrana nüvə proqramı ilə bağlı mövcud fikir ayrılıqlarını həll etmək üçün birbaşa dialoqa hazırdır.
NOCOMMENT.az xəbər verir ki, bu barədə ABŞ dövlət katibi Marko Rubio bildirib.
“Birləşmiş Ştatlar İranın nüvə probleminin sülh yolu ilə və davamlı həllinə nail olmaq üçün İranla birbaşa əlaqə saxlamağa hazırdır”, – o deyib.
O, İran liderlərini “ölkələrinin heç vaxt nüvə silahına sahib olmamasını təmin etmək, sülh yolunu seçmək və İran xalqının rifahına töhfə vermək üçün zəruri addımlar atmağa” çağırıb.
