NOCOMMENT.az Rusiya mətbuatına istinadən xəbər verir ki, ABŞ Qəzza zolağında hərbi əməliyyatların sürətləndirilməsini İsraillə bağlı qapılar arxasında müzakirə edir. Bu barədə RİA Novosti Xarici Kəşfiyyat Xidmətinin mətbuat bürosuna istinadən xəbər verir.
Xarici Kəşfiyyat Xidmətinin məlumatına görə, Qəzzada hərbi əməliyyatların uzadılması ABŞ prezidenti Co Baydenin seçki mövqelərinə mənfi təsir göstərə bilər.
“Amerikalılar bağlı qapılar arxasında İsrail rəhbərliyi ilə tamamilə fərqli söhbətlər aparır. İsraillilərdən əməliyyatın ləngiməsinin qarşısını almaq üçün əməliyyatı sürətləndirməyə çağırılır ki, bu da Co Baydenin seçki kampaniyasındakı mövqeyinə mənfi təsir göstərəcək”, – mətbuat bürosunun bəyanatında deyilir.
Qeyd olunur ki, Vaşinqton açıq şəkildə humanitar fasilələrə və artilleriya atəşi zonalarının məhdudlaşdırılmasına çağırır.
