ABŞ prezidenti Co Bayden Konqresi Keniyaya Şimali Atlantika Alyansı xaricində əsas müttəfiq statusu vermək planları barədə məlumat verib.
NOCOMMENT.az TASS-a istinadən xəbər verir ki, bu barədə Ağ Evin mətbuat xidmətinin yaydığı bəyanatda deyilir.
“Mən Keniyanı NATO-dan kənar əsas müttəfiq kimi daxil etmək niyyətimi elan edirəm. Mən bu qərarı Keniyanın uzun illər ərzində göstərdiyi yardımı nəzərə alaraq verdim”, – deyə Bayden vurğulayıb.
Bayden Keniyanın ABŞ-ın Afrikadakı əsas tərəfdaşlarından biri olduğunu vurğulayıb.
ABŞ-ın NATO-dan kənar əsas müttəfiqləri Argentina, Avstraliya, Bəhreyn, Braziliya, Kolumbiya, Misir, İsrail, İordaniya, Küveyt, Mərakeş, Yeni Zelandiya, Pakistan, Filippin, Qətər, Cənubi Koreya, Tailand və Tunisdir.