ABŞ Konqresi prezidentə qanunvericilərin razılığı olmadan ölkəni Şimali Atlantika Alyansından çıxarmağı qadağan edib.
NOCOMMENT.az xəbər verir ki, ABŞ Konqresi 2023-2024-cü illər üçün qəbul edilmiş müdafiə büdcəsi layihəsi çərçivəsində ölkə prezidentinin Şimali Atlantika Müqaviləsi Təşkilatından (NATO) çıxmaq imkanlarını məhdudlaşdırıb. Bu barədə The Hill məlumat yayıb.
Bu tədbirin təşəbbüskarları senatorlar Tim Keyn və Marko Rubio idi. Sonuncu Amerikanın milli dəyərlərinin qorunmasına zəmanət vermək və müttəfiqlərin təhlükəsizliyini təmin etmək zərurətini bəyan edib.
Qəbul edilmiş düzəlişlərdə deyilir ki, ABŞ prezidenti Senatın razılığı istisna olmaqla, Birləşmiş Ştatların NATO-dakı fəaliyyətini dayandırmamalı, ölkəni alyansdan çıxarmamalıdır.
Keyn qeyd edib ki, yenilik Amerikanın Şimali Atlantika Müqaviləsinə dəstəyi deməkdir.
