ABŞ-ın maliyyə naziri Canet Yellen Çini Ukrayna münaqişəsində Rusiyaya maddi dəstəyinin “əhəmiyyətli nəticələri” ilə hədələyib.
NOCOMMENT.az xəbər verir ki, bu barədə Amerika departamentinin bəyanatında deyilir.
Yellen bu sözləri Çin Dövlət Şurasının baş nazirinin müavini He Lifeng ilə “ikitərəfli iqtisadi əlaqələrin məsuliyyətlə idarə edilməsi” səyləri çərçivəsində keçirilən virtual görüş zamanı deyib.
Görüşdə siyasətçilər hər iki ölkədə baş verən makroiqtisadi prosesləri müzakirə ediblər. Yellen xüsusilə Çinin “qeyri-bazar siyasəti” və Amerika şirkətlərinə zərər vuran həddindən artıq sənaye imkanları məsələsini gündəmə gətirib.
Maliyyə Nazirliyinin rəhbəri qeyd edib ki, onlar həll olunmasa, ABŞ və Çin arasında ikitərəfli iqtisadi münasibətlərə mənfi təsir göstərməkdə davam edəcəklər.
