ABŞ dövlət katibi Antoni Blinken İranın “nüvə proqramını genişləndirməsi” adlandırdığına cavab olaraq, onun neft sektoruna qarşı yeni sanksiyalar elan edib.
NOCOMMENT.az “The Guardian”-a istinadən xəbər verir ki, ABŞ İranın atom bombası yaratmağa hazırlaşmasından şübhələnir.
İran neftinin və neft-kimya məhsullarının daşınmasında iştirak edən adı açıqlanmayan üç şirkətə qoyulan embarqo Yaxın Şərqdə İsrail və Livanda dominantlıq edən güclü şiə qruplaşması olan “Hizbullah” arasında münaqişənin yenidən başlaması ilə bağlı geniş xəbərdarlıqlar fonunda baş verib.
Blinken deyib ki, İran keçən ay uranın zənginləşdirilməsi proqramını “heç bir inandırıcı dinc məqsədi olmayan” şəkildə genişləndirib.
Məlumata görə, ABŞ bu gün İran neftinin və ya neft-kimya məhsullarının daşınmasında iştirak edən Birləşmiş Ərəb Əmirliklərinin üç gəmi şirkətinə, eləcə də onlarla əlaqəli 11 gəmiyə qarşı sanksiyalar tətbiq edib.
