Kaliforniyanın sərhədçilərinə Rusiyadan və digər beş keçmiş Sovet ölkəsindən olan qeyri-qanuni miqrantları saxlayıb dərhal deportasiya etmək əmri verilib.
NOCOMMENT.az xəbər verir ki, bu barədə “New York Post” daxili sənədə istinadən məlumat yayıb.
ABŞ-nin bu qərarı “Şərqi yarımkürə”nin 100-dən çox ölkəsinin, o cümlədən Afrika, Asiya, Avropa və Avstraliya ölkəsinin vətəndaşlarına şamil edilməyəcək. Bu ölkələrdən gəlmiş qanunsuz miqrantlar işlərinin baxılması zamanı ABŞ-da qalmaq imkanına malikdirlər.
“Yalnız Gürcüstan, Moldova, Qırğızıstan, Rusiya, Tacikistan və Özbəkistandan olan yetkin miqrantlar dərhal ABŞ-dan deportasiyaya göndəriləcəklər”, – nəşr memorandumu sitat gətirir.
Bu qayda sərhədin “şərq yarımkürəsi” ölkələrindən gələn qeyri-qanuni miqrantların əsas hissəsinin baş verdiyi San Dieqo şəhəri yaxınlığındakı hissəyə aiddir. Sentyabrda başa çatan son maliyyə ilində onların arasında rusiyalı miqrantların sayı rekord həddə – 43 minə çatıb.