ABŞ Türkiyəyə F-35-lər verməyib, lakin ardıcıl 6 il anbarda saxlanılan döyüş təyyarələrinin texniki xidmət haqqının ödənilməsini tələb edir.
NOCOMMENT.az xəbər verir ki, bu barədə “Aydınlıq” qəzeti məlumat yayıb.
Söhbət 30 milyon dollara yaxın məbləğdən gedir. Təyyarəyə hər ay texniki xidmət göstərilir.
ABŞ ilk dəfə 2022-ci ildə bu təyyarələrin saxlanması üçün vəsait tələb edib.
Ankaranın ABŞ-dan 23 milyard dollar dəyərində yeni hərbi texnika sifarişinin dəyərinin bir hissəsini F-35 qırıcıları üçün artıq ödənilmiş vəsaitlə kompensasiya etmək qərarına gəlməsindən sonra bu məsələ Vaşinqton tərəfindən yenidən gündəmə gətirilib. Türkiyə ABŞ-dan 40 yeni F-16 Block 70 təyyarəsi, 79 təkmilləşdirmə dəsti, 48 F110 mühərriki və çoxlu sayda sursat almağı planlaşdırır.
Bundan əvvəl Ağ Evin Strateji Kommunikasiyalar üzrə koordinatoru Con Kirbi ABŞ-ın Ankaranın Rusiyanın “S-300” və “S-400” hava hücumundan müdafiə sistemlərinə malik olması səbəbindən Türkiyəni beşinci nəsil F-35 qırıcıları ilə təmin edə bilməyəcəyini bildirmişdi.
