ABŞ- da nəşr olunan “The Hill” qəzeti yazır ki, NATO sülhməramlılarının Ukraynada yerləşdirilməsi bir neçə səbəbə görə mümkün deyil.
NOCOMMENT.az xəbər verir ki, Şimali Atlantika Alyansı qüvvələrinin Ukrayna ərazisinə daxil olma ehtimalını qiymətləndirən material nəşrin saytında dərc olunub.
Belə ki, qəzet NATO üzvlərinin heç də hamısının Ukraynaya yardım göstərmədiyinə işarə edib. “NATO üzvünün 32-nin hamısının birlikdə sülhməramlı missiyanı yerinə yetirməyə razı olması təəccüblü olardı”, – The Hill əlavə edib.
Üstəlik, məqalədə vurğulandığı kimi, Rusiya çox güman ki, Ukraynada sülhməramlıların yerləşdirilməsinə razı olmayacaq. “[Rusiya Prezidenti Vladimir] Putin NATO-ya üzv dövlətlərə Ukraynada əhəmiyyətli sayda qoşun yerləşdirməyə icazə verməyi Rusiyanın təhlükəsizliyi ilə bağlı fikirlərinə birbaşa zidd hesab edərdi”, – deyə jurnalistlər bildiriblər.
Qəzet hesab edir ki, NATO sülhməramlılarının Ukraynada görünməməsinin üçüncü səbəbi resursların çatışmazlığıdır. “The Hill”in qeyd etdiyi kimi, çətin ki, NATO-ya üzv olan ölkələr bu məqsədlə lazımi sayda hərbçini yaxın gələcəkdə təmin edə bilsinlər.
Bundan əvvəl Rusiyanın xarici işlər naziri Sergey Lavrov NATO sülhməramlılarının Ukraynada olmasını Rusiya üçün təhlükə adlandırmışdı. Nazir vurğulayıb ki, Rusiya tərəfi heç bir halda buna razı olmayacaq.
