NOCOMMENT.az Rusiya mətbuatına istinadən xəbər verir ki, ABŞ-ın Ukraynaya təhvil verdiyi Amerikanın Abrams tankları döyüş bölgəsindəki vəziyyəti kökündən dəyişməyə kömək etməyəcək. Bunu köşə yazarı Devid Eks Forbes jurnalı üçün yazdığı məqalədə qeyd edib.
Jurnalist qeyd edib ki, indiyədək Kiyev Vaşinqtondan “bir batalyonla müqayisə oluna biləcək” bir sıra Abrams tankları alıb. Lakin onları Rusiya minalarına və tank əleyhinə raketlərə qarşı toxunulmaz adlandırmaq olmaz.
Üstəlik, məqalə müəllifi Rusiya pilotsuz təyyarələrinin bu tip avadanlıqlar üçün təhlükəli olduğunu vurğulayıb. Söhbət ilk növbədə partlayıcı qurğularla təchiz edilmiş dronlardan gedir.
