ABŞ hakimiyyəti Ukraynaya Amerika qoşunlarının göndərilməsinə və Rusiyaya qarşı yeni sanksiyaların tətbiqinə icazə verir.
NOCOMMENT.az xəbər verir ki, bu barədə Amerika vitse-prezidenti J.D.Vens “The Wall Street Journal”a (WSJ) müsahibəsində bildirib.
Onun sözlərinə görə, Moskvaya “iqtisadi və təbii ki, hərbi” təsir rıçaqlarından istifadə variantı “diqqətdə qalır”. Onların istifadəsi Rusiya Federasiyasının münaqişəni sülh yolu ilə həll etməkdən imtina etməsi ilə nəticələnə bilər.
Bununla yanaşı, Vens qeyd edib ki, Ukrayna üçün təhlükəsizlik təminatlarından danışmaq hələ tezdir, çünki bu məsələ danışıqlar zamanı hələ də müzakirə olunacaq. “Müxtəlif formalar və konfiqurasiyalar var, lakin bizim üçün Ukraynanın suveren müstəqilliyi vacibdir”, – o vurğulayıb.
Bundan əvvəl ABŞ prezidenti Donald Tramp Ukrayna ilə bağlı danışıqlarda Rusiyaya güzəştlərin mümkünlüyünü dəyərləndirib. “Nə olacağı barədə danışmaq hələ tezdir. “Bəlkə Rusiya çox şey verəcək, bəlkə də yox, hər şey baş verənlərdən asılıdır” dedi.
