NOCOMMENT.az Rusiya mətbuatına istinadən xəbər verir ki, ABŞ-a məxsus hərbi pilotsuz uçan aparat Yaponiyada təlim uçuşu zamanı itib. Bu barədə Yaponiyanın NHK telekanalı ölkənin Müdafiə Nazirliyinə istinadən məlumat yayıb.
Məqalədə deyilir: “ABŞ hərbi pilotsuz uçan aparatı poliqonda məşq edərkən yoxa çıxıb”.
Müdafiə Nazirliyindən verilən məlumata görə, Şizuoka prefekturasında məşhur Fuci vulkanı yaxınlığındakı Hiqaşi-Fuci poliqonunda üç metrlik pilotsuz uçan aparatın yoxa çıxması baş verib.
“Hazırda hadisə nəticəsində dəymiş ziyanla bağlı məlumat yoxdur”, – materialda deyilir.