Ölkədə koronavirusa yoluxma rəqəmlərini nəzərə alsaq, karantin qaydalarının sərtləşdirilməsinə ehtiyac duyulmur.
NOCOMMENT xəbər verir ki, bunu ARB24-ün “İşgüzar səhər” verilişinə açıqlamasında professor Adil Qeybulla deyib.
O bildirib ki, indiki dövrdə karantin tədbirlərini sərtləşdirməkdənsə, vaksinasiya prosesinə ciddi önəm vermək lazımdır: “Hesab edirəm insanların bayramı hansısa formada keçirə bilməsinə şərait yaradılması daha düzgün olardı. Çünki insanlar doğrudan da pandemiyadan beziblər. Bütün dünyada bu problem yaşanır. Düşünürəm ki, vaksinasiya prosesinə xüsusi güc verməliyik. Bununla bağlı intensiv işlər görülməlidir ki, qısa müddətdə uğurlu nəticə əldə edək.
Üçüncü dalğanın yanından ötüb keçməyə çalışmalıyıq. Bunun üçün qapalı mühitdə karantin qaydalarına riayət etmək və ictimai nəqliyyatda qayda-qanun yaratmaq lazımdır”.
