AFFA-da icraçı vitse-prezident vəzifəsi ləğv ediləcək.
NOCOMMENT.az xəbər verir ki, bunu AFFA-nın yeni baş katibi Sərxan Hacıyev deyib.
O bildirib ki, AFFA-nın icraçı vitse-prezidenti Elxan Məmmədov mayın 1-dən Fransanın paytaxtı Parisdə FIFA-dakı yeni işinə başlayacaq. Bu səbəbdən də E.Məmmədov Elşad Nəsirov, Rauf Əliyev və Vaqif Sadıqov kimi ictimai əsaslarla vitse-prezident işləyəcək və AFFA-dan maaş almayacaq.
AFFA-nın növbəti İcraiyyə Komitəsinin iclasında baş katibin vəzifələri tam dəqiqliklə müəyyənləşdiriləcək və icraçı vitse-prezident vəzifəsi rəsmən ləğv olunacaq.
Qeyd edək ki, Elxan Məmmədov FIFA-da Avropa Milli Assosiasiyaları üzrə direktor vəzifəsinə təyin olunub./Oxu.az
