ABŞ prezidenti Donald Tramp Rusiya lideri Vladimir Putinlə mümkün görüşə açıqdır.
NOCOMMENT.az xəbər verir ki, bu barədə Ağ Evin mətbuat katibi Karolin Levit brifinq zamanı bildirib.
“Prezident əlbəttə ki, buna açıq olacaq”, – deyə o vurğulayıb.
Mayın 17-də Tramp özünün “Truth Social” sosial şəbəkəsində rus və ukraynalı həmkarları ilə telefon danışıqlarından sonra münaqişə zonasında döyüşlərin dayandırılacağına ümid etdiyini bildirib. Amerikalı siyasətçinin sözlərinə görə, o, bazar ertəsi, mayın 19-u saat 10:00-da (Moskva vaxtı ilə 17:00) Rusiya liderinə zəng edəcək. Müzakirə mövzusu münaqişənin hər bir tərəfinə hər həftə 5000-dən çox əsgərin bahasına başa gələn “qan gölünə” son qoymaq olacaq. Bundan sonra Tramp Ukrayna prezidenti ilə danışmağı planlaşdırır.
