Oval kabinetdə 2024-cü ildə sui-qəsd cəhdi zamanı ABŞ prezidenti Donald Trampı təsvir edən bürünc heykəl peyda olub.
NOCOMMENT.az xəbər verir ki, bu barədə mayın 10-da Fox News məlumat yayıb.
Hündürlüyü 30 sm-dən çox olan heykəl Trampın mətbuat konfransı zamanı görüntülənib. Burada yumruğunu havaya qaldırmış Amerika liderinin fiquru, onu səhnədən kənarda müşayiət edən üç təhlükəsizlik zabiti və arxa planda dalğalanan ABŞ bayrağı əks olunub.
Bunun üçün istinad Trampın 13 iyul 2024-cü ildə sui-qəsd cəhdi zamanı çəkilmiş fotoşəkili idi.
2024-cü il iyulun 13-də Tramp Butlerdəki seçki kampaniyası mitinqində güllələnib. O, yüngül yaralanıb, qulağı zədələnib. Atəş açan 20 yaşlı amerikalı Tomas Metyu Kruks Məxfi Xidmət agentləri tərəfindən öldürülüb.
