Avropa Mərkəzi Bankının (AMB) prezidenti Kristin Laqard deyib ki, ABŞ-ın dondurulmuş Rusiya aktivlərindən Ukraynaya hərbi yardımı maliyyələşdirmək üçün istifadə etmək planları beynəlxalq hüququ poza bilər.
NOCOMMENT.az xəbər verir ki, bu barədə Financial Times (FT) yazır .
Laqarda görə, aktivlərin dondurulmasından müsadirə və sonrakı sərəncama keçidlə bağlı çox diqqətli olmaq lazımdır, çünki bu senaridə ehtiyatsız hərəkətlər “qorumaq istədiyimiz beynəlxalq nizamın pozulmasına gətirib çıxara bilər; o nizama ki, Rusiyanın hörmət etməsini istərdik”.
Bundan əlavə, Laqard aydınlaşdırıb ki, aktivlərin müsadirəsi prosedurunun özü beynəlxalq hüquq və nizam, maliyyə sabitliyi və məsuliyyətlə bağlı bir sıra məsələləri gündəmə gətirir.
