Avropa İttifaqı Kosovo hakimiyyətinə ölkə polisinin öz ərazisində serblərin idarə etdiyi qurumlara qarşı əməliyyatları barədə xəbərdarlıq edib.
NOCOMMENT.az xəbər verir ki, bu barədə “Intellinews” məlumat yayıb.
Aİ-nin reaksiyası Kosovo polisinin Serb müvəqqəti hökumətinin Draqaş, Peç, İstok və Klina bələdiyyələrindəki binalarına, eləcə də Priştinada “Sülh və Tolerantlıq Mərkəzi” Serb qeyri-hökumət təşkilatının binalarına reyd keçirməsindən və nümayəndələrini saxlamasından sonra gəlib.
Bununla əlaqədar olaraq, Aİ Kosovo polisinin xüsusi təyinatlı qüvvələrinin bir neçə bələdiyyədə serblərin idarə etdiyi qurumlara qarşı apardığı son əməliyyatlardan dərin narahatlığını ifadə edib və Priştina hakimiyyətini birtərəfli hərəkətlərdən çəkinməyə və bunun əvəzinə vəziyyəti konstruktiv dialoqla həll etmıyə çağırıb.
