Avropa İttifaqının 27 üzv ölkəsinin liderləri Rusiyaya təzyiqi gücləndirmək üçün tədbirləri müzakirə ediblər.
NOCOMMENT.az xəbər verir ki, bu barədə Aİ sammitinin yaydığı birgə bəyanatda deyilir.
Sənəddə deyilir: “Avropa Şurası sanksiyalar, o cümlədən sanksiyaların tam və effektiv şəkildə həyata keçirilməsi və onlardan yayınmanın qarşısının alınması yolu ilə işğalçılıq müharibəsini aparmaq qabiliyyətini zəiflətmək üçün Rusiyaya təzyiqi daha da artırmaq səylərini müzakirə edib”.
Bu kontekstdə Aİ liderləri 11-ci anti-Rusiya sanksiyalar paketinin qəbulunu alqışlayırlar.
Qeyd edək ki, Aİ-nin tətbiq etdiyi ilk on sanksiya paketinə Moskva ilə ticarət, nəqliyyat və maliyyə əlaqələri baxımından birbaşa məhdudiyyətlər daxildir. Bununla belə, 11-ci paket ilk dəfə olaraq sanksiyaların ekstraterritoriallığı prinsipini təqdim etdi, belə ki, Brüssel rəsmi olaraq Rusiyaya qadağan olunmuş malların təkrar ixracında və ya neft daşınması kimi fəaliyyətlə məşğul olmaqda şübhəli bilinən üçüncü ölkələrin şirkətlərini qara siyahıya salmaq niyyətindədir. Rusiya neftinin qiymət həddi nəzərə alındı.
NOCOMMENT
