Avropa İttifaqı Rusiya Federasiyasına qarşı 14-cü sanksiyalar paketi çərçivəsində Rusiya şirkətlərinin aktivlərinə həbs qoyulmasına imkan verən hüquqi mexanizm tətbiq edib.
NOCOMMENT.az xəbər verir ki, bu barədə RBK məlumat yayıb.
Qeyd olunur ki, bu tədbir Avropa təşkilatlarının törəmə şirkətlərinin (Fortum, Carlsberg) müvəqqəti idarə olunması və Aİ şirkətlərinin öhdəliklərini yerinə yetirməməsi səbəbindən Rusiyadakı aktivlərinə həbs qoyulması kimi əks-sanksiyalara cavab olacaq.
14-cü sanksiyalar paketinin bir hissəsi kimi təqdim edilən yeni prosedur Aİ vətəndaşlarına və Avropa bizneslərinə Rusiya şirkətlərinin Aİ-dəki mümkün aktivlərinə girov qoymaq hüququ verir.
RBK-ya müsahibə verən hüquqşünaslar qeyd ediblər ki, Aİ ölkələrindəki bizneslər Avropa məhkəmələrində kütləvi iddialar gözləməsələr də, bu cür hüquqi mexanizmə müraciət edəcəklər. Mütəxəssislər xəbərdarlıq edir ki, cəzaları təsdiq edən belə məhkəmə qərarları alınarsa, o zaman Avropa şirkətləri üçüncü ölkələrin məhkəmələrinə müraciət edə biləcəklər.
