NOCOMMENT.az xəbər verir ki, Avropa İttifaqı ölkələri Ukraynaya qarşıdakı 4 il ərzində 50 milyard avro məbləğində maliyyə yardımı paketi barədə razılığa gəliblər. Bu barədə Sky News məlumat yayıb.
Qeyd olunur ki, Avropanın büdcə komissarı Yohannes Han bu planları 30 noyabr cümə axşamı brifinqdə müzakirə edib.
Bundan əvvəl məlum olmuşdu ki, Avropa Komissiyası (AK) dekabrın 12-də Rusiyanın dondurulmuş aktivləri üzrə gəlir vergisinin Ukraynaya dəstək məqsədilə tətbiqi planını təqdim edəcək. Bloomberg-in məlumatına görə, AK planı dekabrın 14-15-də keçiriləcək sammitdə Aİ liderləri tərəfindən müzakirə olunacaq – hələlik bu təkliflə bağlı Aİ ölkələri arasında birlik yoxdur.
