Ali təhsil müəssisəslərinə ixtisas seçimi başa çatıb.
Dövlət İmtahan Mərkəzindən NOCOMMENT-ə verilən məlumata görə, ümumilikdə 66 744 ərizə təqdim edilib.
I qrup üzrə 22 331, II qrup üzrə 14 642, III qrup üzrə 17 692, IV qrup üzrə 5 237, V qrup üzrə isə 10 527 nəfər ixtisas seçimi ərizəsi qeydə alınıb.
İxtisas seçimi 28 avqust 23:59-da başa çatmalı olsa da, müddət bu gün 09:00-dək uzadılmışdı. Ali təhsil müəssisələrinə ixtisas seçiminin nəticələri elan olunandan sonra 11 illik bazada kolleclərə ixtisas seçiminə start veriləcək.
