Alimpaşa Məmmədovun məhkəməsində keçmiş şirkət rəhbəri ifadə veribbackend

Alimpaşa Məmmədovun məhkəməsində keçmiş şirkət rəhbəri ifadə verib

  • whatsapp
  • messenger
  • telegram
  • vkontakte
  • odnoklassniki

Bu gün Gəncə Ağır Cinayətlər Məhkəməsində Şəmkir Rayon İcra Hakimiyyətinin sabiq başçısı Alimpaşa Məmmədovun cinayət işi üzrə məhkəmə iclasında şirkət əməkdaşı ifadə verib.

NOCOMMENT report-a istinadən xəbər verir ki, hakim Nural Əliyevin sədrliyi ilə keçirilən prosesdə A.Məmmədov vəkili tərəfindən ona ünvanlanan sualları cavablandırıb.

Təqsirləndirilən şəxs ittiham üzrə epizodların bir çoxunu qəbul edsə də, bəziləri ilə razı olmadığını deyib.

Daha sonra “Ağstafa Su Tikinti” ASC-nin keçmiş rəhbəri Məmmədov Vaqif İsrafil oğlu şahid qismində dindirilib.

Bildirib ki, o illərlə Şəmkir rayonunda tikinti işlərini görüb. Bir neçə dəfə tender qalibi olub. Müxtəlif təmir-tikinti işlərini həyata keçirib.

V.Məmmədov deyib ki, 2015-ci ildən 2018-ci ilə qədər heç bir kredit ödənilməyib.

Məhkəmədə V.Məmmədovun ibtidai istintaq zamanı verdiyi ifadəsi elan olunub.

Məhkəmənin növbəti iclası dekabrın 22-də davam etdiriləcək.