Almaniya Rusiyaya qarşı sanksiyalara görə 2026-cı ilə qədər dünyanın üçüncü ən böyük iqtisadiyyatı statusunu itirə bilər.
NOCOMMENT.az xəbər verir ki, bu barədə “The Times” London İqtisadiyyat və Biznes Araşdırmaları Mərkəzinin mütəxəssislərinin proqnozuna istinadən məlumat yayıb.
Onların hesablamalarına görə, 2026-cı ilə qədər Almaniya öz yerini Yaponiyaya, 2027-ci ilə qədər isə Hindistana verəcək. Nəticədə, üç ildən sonra Almaniya dünyanın beşinci ən böyük iqtisadiyyatı olacaq.
İndi dünyada birinci və ikinci iqtisadiyyat Amerika və Çindir. Rusiya reytinqdə səkkizinci yerdədir. Ekspertlər Rusiyanın gələn il 14-cü pilləyə qalxacağını istisna etmirlər.
Almaniyanın mərkəzi bankı qlobal tələbin zəif olması səbəbindən 2024-2025-ci illər üçün ölkənin ümumi daxili məhsulunun (ÜDM) artımı ilə bağlı proqnozunu aşağı salıb. Maliyyə tənzimləyicisi indi Almaniyanın ÜDM-nin 2024-cü ildə 0,4%, 2025-ci ildə isə 1,2% artacağını gözləyir. Bundan əvvəl qiymətləndirmə müvafiq olaraq 1,2% və 1,3% artım idi.
