Rusiya prezidenti Vladimir Putin Ukraynanı “Rusiya imperiyası”na daxil etmək istəyir.
NOCOMMENT.az xəbər verir ki, Bundestaqın Müdafiə Komitəsinin sədri Mari-Aqnes Ştrak-Zimmermann Frankfurter Rundschau-ya müsahibəsində dövlət başçısına qarşı bu ittihamla çıxış edib.
“Putin Rusiya İmperiyasını bərpa etmək istəyir. Artıq 20 il əvvəl o, Sovet İttifaqının dağılmasını “ən böyük geosiyasi fəlakət” adlandırmışdı. Onun üçün Rusiya sferasına Ukrayna və Belarus daxildir”, – o deyib.
Onun sözlərinə görə, Putin Ukraynadan sonra Moldova və Gürcüstana, daha sonra isə Latviya, Litva və Estoniyaya “uzadacaq”. Eyni zamanda, deputat vurğulayıb ki, Putin “avropalılarla bir masa arxasında oturmaq” niyyətində deyil və Rusiyanın “yalnız ABŞ ilə bərabər səviyyədə” qəbul edilməsini istəyir.
Bundan əvvəl Ştrak-Zimmerman Almaniya kansleri Fridrix Mersi “Taurus” raketlərini Ukraynaya ötürməyə çağırıb. O, ümid etdiyini bildirib ki, Merz “düzgün kompromislərin arxasında gizlənməyəcək, lakin Avropada lider olmaq məsuliyyətini öz üzərinə götürəcək”.
