NOCOMMENT.az Rusiya mətbuatına istinadən xəbər verir ki, Berlin 2023-cü ilin sonuna kimi daha iki IRIS-T hava hücumundan müdafiə sistemini Kiyevə təhvil verməyi planlaşdırır. Bu barədə Ukraynanın NV nəşri Almaniyanın Ukraynadakı səfiri Martin Yagerə istinadən məlumat yayıb.
Diplomatın dediyi kimi, bu sistemlərdən üçü hazırda Ukrayna ərazisində yerləşdirilib. Lakin gələn ilin əvvəlinə qədər onların sayının artacağı gözlənilir.
O, həmçinin əlavə edib ki, Kiyev tezliklə Berlindən əlavə Patriot zenit-raket kompleksləri (SAM) almalıdır. Bununla belə, səfir bunun dəqiq nə vaxt baş verəcəyini və bu qurğuların yeni partiyasına neçə ədəd texnikanın daxil ediləcəyini açıqlamayıb.
