Bu gün azərbaycanlı hərbi əsirlər – Amin Musayev və Bayram Kərimovun geri qaytarılacağı ilə bağlı sosial şəbəkələrdə məlumatlar yayılıb.
NOCOMMENT xəbər verir ki, məsələ ilə bağlı Beynəlxalq Qızıl Xaç Komitəsinin (BQXK) Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova modern.az-a bildirib ki, bu barədə informasiyaya sahib deyil.
Komitə rəsmisi bu cür məlumatları yayarkən məsələyə həssaslıqla yanaşmağı və şəxslərin ailələrini nəzərə almağı xahiş edib. İ.Hüseynova deyib ki, hazırda hərbi əsirlərin geri qaytarılması üçün dialoqlar davam etdirilir.
Xatırladaq ki, hərbçilərimiz Amin Musayev və Bayram Kərimov 44 günlük Vətən Müharibəzi zamanı yaralanaraq, ermənilərə əsir düşüblər.
