Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi və tabeliyindəki mərkəzlər üçün informasiya texnologiyaları (İT) avadanlıqlarının alınması və quraşdırılması məqsədilə yeni satınalma həyata keçirir.
NOCOMMENT.az 32gun.az-a istinadən xəbər verir ki, satınalma işlərinin ümumi dəyəri 181.513,00 manat təşkil edir. Layihə çərçivəsində notebook, laptopa çevrilə bilən planşet, IP telefon, mouse, monitor, masaüstü kompüterlər (desktop) və digər avadanlıqların alınması nəzərdə tutulur.
Qeyd edək ki, Kənd Təsərrüfatı Nazirliyinə Məcnun Məmmədov, Aqrar Xidmətlər Agentliyinə isə Sərdar Hacıyev rəhbərlik edir. Son aylarda agentlik tərəfindən həyata keçirilən bu cür texnoloji təminat layihələri diqqət mərkəzindədir.
