NOCOMMENT.az Rusiya mətbuatına istinadən xəbər verir ki, Avropa İttifaqı (Aİ) Fələstin-İsrail münaqişəsi başa çatdıqdan sonra Qəzza zolağının sərhədlərində istənilən dəyişikliyə qarşıdır. Bu barədə regional birliyin xarici siyasət xidmətinin rəhbəri Cozep Borrell deyib.
Noyabrın 13-də Brüsseldə təşkilata üzv ölkələrin xarici işlər nazirlərinin görüşü keçirilib. Görüş zamanı Borrel diplomatik idarələrin rəhbərlərinə Yaxın Şərq böhranının həlli üçün şərtləri və icazə verilən çərçivələri müzakirə etməyə dəvət edib.
“Bizə aydındır ki, Qəzza zolağının ərazisinin bir hissəsinin azaldılması və ya işğalına, habelə onun sakinlərinin köçürülməsinə icazə verilə bilməz”, – Aİ-nin Xarici İşlər və Təhlükəsizlik Siyasəti üzrə Ali Nümayəndəsi bildirib.
O əlavə edib ki, bölgə ictimaiyyəti Fələstin Milli Administrasiyasını (PNA) dəstəkləyir. Bununla bağlı Brüssel Qəzza zolağında Fələstinin Həmas hərəkatının təsirinin saxlanmasının əleyhinə çıxış edib.
