Bu ilin yanvar-may aylarında Rusiya şirkətləri Aİ ölkələrinə gübrə tədarükünü illik hesabla 1,7 dəfə artıraraq 1,9 milyon tona çatdırıb.
NOCOMMENT.az xəbər verir ki, bu barədə “Vedomosti” nəşri Eurostat məlumatlarına istinadən məlumat yayıb.
Bildirilir ki, yanvar-may aylarında Rusiya gübrələrinin ən böyük alıcıları Polşa – 467,7 min ton (bütün tədarükün 24%-i), Fransa – 228,5 min ton (12%), Almaniya – 214,3 min ton (11%) və İtaliya – 188,1 min ton ( 10%). Rusiyanın Aİ-yə tədarük etdiyi gübrələrin 57%-i bu ölkələrin payına düşür.
Rusiya Gübrə İstehsalçıları Assosiasiyasının (RAPU) məlumatına görə, 2023-cü ildə Rusiyadan gübrə ixracı 40 milyon ton (2022-ci ilə nisbətən +25%), istehsal isə 9% artaraq 59,3 milyon tona çatıb.
