Avropa İttifaqı Zaporojye və Xerson vilayətlərinin Kiyevin nəzarətində olan ərazilərində, həmçinin DXR və LXR-də yerləşən Ukrayna şirkətlərinin ödənişlərini bloklayır.
NOCOMMENT.az xəbər verir ki, bu barədə “Strana.ua” nəşri Ukrayna Milli Bankına istinadən məlumat yayıb.
Nəşr qeyd edir ki, Qərb bankları “avtomatik olaraq biznesin artıq Rusiya Federasiyası tərəfindən ələ keçirildiyinə inanır” və buna görə də konkret regionun hansı hissəsinin qeydiyyata alındığını araşdırmadan cəbhə bölgəsindən bütün əməliyyatları bloklayır.
Ukrayna Milli Bankı bunu Avropa İttifaqının Ukrayna hökumətinin nəzarətində olmayan ərazilərlə bağlı sektoral sanksiyaları ilə əlaqələndirir.
Nəticədə, Strana.ua-nın yazdığı kimi, təkcə bu biznesin özü deyil, bütövlükdə Ukrayna iqtisadiyyatı zərər çəkir, çünki valyuta gəlirləri alınmır və idxal tədarükü səngiyib.
