NOCOMMENT.az xəbər verir ki, Avropa Komissiyası (AK) dekabrın 12-də Ukraynaya dəstək məqsədilə dondurulmuş Rusiya aktivlərinin gəlir vergisindən istifadə planını təqdim edəcək. Bu barədə Bloomberg məlumat yayıb.
Agentliyin məlumatına görə, Aİ-nın planı dekabrın 14-15-də keçiriləcək sammitdə Aİ liderləri tərəfindən müzakirə olunacaq – hələlik bu təkliflə bağlı Aİ ölkələri arasında birlik yoxdur.
Bloomberg-in mənbəsinin qeyd etdiyi kimi, plan bir neçə Aİ ölkəsi tərəfindən qaldırılan razılaşma tələb edən bir neçə məsələyə aydınlıq gətirir. Xüsusilə, söhbət Aİ tərəfindən tutulan, milli vergi və rüsumlara müdaxilə etməyəcək bir vergidən gedir. Agentlik qeyd edir ki, bu təkliflərin dekabrın 12-də AK tərəfindən təsdiqlənməsi onların Aİ-nin dekabr sammitində müzakirə olunmasına imkan verəcək.
Noyabrın 24-də Kanada və Avropa İttifaqı Qərbdə dondurulmuş Rusiya aktivlərindən əldə olunan gəlirlərin Ukrayna üçün istifadəsi ilə bağlı irəliləyişin zəruriliyini elan etdilər.
