Suveren borc məsələsi Avropada 5 ilə yaxındır ki ictimai və siyasi gündəmdən çıxsa da, indi faiz dərəcələrinin artması və həddindən artıq kəsirlərin bərpası fonunda yenidən gündəmə gəlib.
NOCOMMENT.az xəbər verir ki, bu barədə Avstriyanın “Die Presse” qəzeti məlumat yayıb.
Avropalı iqtisadçılar xüsusilə regionun ikinci ən böyük iqtisadiyyatı olan Fransadakı vəziyyətdən narahatdırlar. Ölkədə borcun artması prezident Emmanuel Makronun partiyasının Avropa seçkilərində məğlub olmasından sonra növbədənkənar seçkilər elan etməsindən sonra siyasi qeyri-sabitliklə birləşib.
Məlumata görə, Avropa ölkələrində koronavirus pandemiyası zamanı dövlət borcunun artması faiz dərəcələrinin aşağı olması səbəbindən vacib sayılmayıb. Bundan əlavə, pandemiya fonunda Avropa Komissiyası 2020-ci ilin mart ayından həddindən artıq büdcə kəsiri proseduruna müvəqqəti moratorium tətbiq edib və Ukrayna böhranı səbəbindən bu müddət uzadılıb.
Bildirilib ki, 2024-cü ildə faiz dərəcələri yenidən əhəmiyyətli dərəcədə artdıqda və kəsir proseduru bərpa edildikdə vəziyyət dəyişib. İyul ayında Avropa İttifaqı eyni vaxtda yeddi ölkə – Belçika, Macarıstan, İtaliya, Malta, Polşa, Slovakiya və Fransa ilə bağlı həddindən artıq büdcə kəsirləri ilə bağlı araşdırmalara başlayıb. Nəşrin proqnozlarına görə, onların sayı 2025-ci ildə artacaq.\\İqtisadiyyat.az
