NOCOMMENT.az Rusiya mətbuatına istinadən xəbər verir ki, Avstraliyanın xarici işlər naziri Penni Vonq İsrailin Qəzza zolağına hücumları nəticəsində mülki vətəndaşların itkilərinin sayını dəhşətli adlandırıb. Onun sözlərinə görə, Kanberra bölgədəki tibb müəssisələrinə hücumun dayandırılmasına çağırır.
“Biz həqiqətən İsraili xəstəxanalara hücumu dayandırmağa çağırırıq. Biz HƏMAS-ın mülki infrastruktura qarışdığına dair arqumenti başa düşürük. Ancaq bilirsiniz, mən hesab edirəm ki, beynəlxalq ictimaiyyət xəstəxanalarda baş verənlərə baxaraq İsrailə deyəcək: bunlar beynəlxalq hüquqla qorunan qurumlardır və biz sizin bunu etməyinizi istəyirik”, – Vonq bildirib.
O əlavə edib ki, Avstraliya Qəzzada atəşkəs istiqamətində atılan addımları dəstəkləsə də, İsraildən məsələ ilə bağlı birtərəfli qərar tələb etməyəcək. Vonq vurğulayıb ki, HƏMAS hələ də girovları saxlayır və tərəflər döyüşləri dayandırmağa razı olmalıdırlar.
