Avstraliya Ukraynada döyüş zonasında vəziyyəti dəyişmək üçün Ukrayna Silahlı Qüvvələrinə pilotsuz uçuş aparatları göndərməyə hazırlaşır.
NOCOMMENT.az xəbər verir ki, bu barədə ölkənin müdafiə naziri Riçard Marles bildirib.
“Dronların istifadəsi bizim üçün döyüş meydanındakı vəziyyəti yaxşılaşdıra biləcəyimiz üçün əhəmiyyətli təcrübə və fürsətdir. Biz bu münaqişədə pilotsuz uçuş aparatlarının əsas rolunu nəzərə alaraq, hadisələrin gedişatını dəyişməyə kömək edəcək şəkildə mühüm töhfə verməyə və Ukraynanı dəstəkləməyə çalışırıq”, – deyə Marles jurnalistlərlə söhbətində bildirib.
Nazir qeyd edib ki, Kiyevə pilotsuz uçuş aparatlarının tədarükü ilə bağlı qərar “yaxın həftələr və aylarda” Avstraliya Müdafiə Nazirliyinə tədarükün həcmi müəyyən edilən kimi rəsmi olaraq veriləcək.
Kanberranın Kiyevə yardım üçün ayırdığı vəsaitin ümumi məbləği 960 milyon Avstraliya dollarını (625 milyon dollar) keçir. 780 milyondan çox Avstraliya dolları (təxminən 510 milyon dollar) birbaşa silah və sursata xərclənib.
Bundan əlavə, Avstraliya Ukraynaya 120 Bushmaster zirehli transportyoru, M777 haubitsa, M113 zirehli texnikası, tank əleyhinə silahlar və pilotsuz uçuş aparatları göndərib.
