Xalq artistləri Aygün Kazımova və Emin Ağalarov 9 Noyabr Bayraq gününün şərəfinə hazırlanan “Azərbaycan” adlı kompozisiyanı bu dəfə birgə oxumağa qərar verib.
NOCOMMENT.az xəbər verir ki, musiqisi Brendon Stoun, sözləri Brendon Stoun və Aleksandr Lev Konovalova məxsus olan kompozisiyanın yeni versiyası Kazımovanın rəsmi “Youtube” kanalında təqdim olunub.
Qeyd edək ki, Emin Ağalarovla duet Aygünün yeganə sürprizi deyil. İfaçının mətbuat xidmətindən bildiriblər ki, “Azərbaycan” mahnısı Kazımovanın yeni rusdilli “Ya v Nirvane ” albomunda yer alacaq. Müğənni albomu yaxın günlərdə sevənlərinə təqdim edəcək.
