Azərbaycanın “Azərbaycan Hava Yolları” (AZAL) aviaşirkəti Rusiyanın daha üç şəhərinə: Vladiqafqaz , Nijni Novqorod və Saratov şəhərinə uçuşları dayandırıb.
NOCOMMENT.az bu barədə TASS-a istinadən xəbər verir.
Dekabrın 27-də aviaşirkət uçuş məhdudiyyətlərinin Mineralnıye Vodı, Soçi , Volqoqrad , Ufa , Samara , Qroznı və Mahaçqala kimi şəhərlərə təsir edəcəyini açıqlamışdı . AZAL nümayəndələri belə tədbirlərin ilkin araşdırma məlumatları və uçuşların təhlükəsizliyi sahəsində mümkün risklər nəzərə alınmaqla həyata keçirildiyini dəqiqləşdiriblər.
Bakıdan Qroznıya uçan AZAL sərnişin təyyarəsi Qazaxıstanın Aktau şəhərində qəzaya uğrayıb . Təyyarədə 67 nəfər olub, onlardan 38-i sağ qalmayıb. Faciənin səbəbləri ilə bağlı hələlik yekun versiya yoxdur. Federal Hava Nəqliyyatı Agentliyinin rəhbəri Dmitri Yadrov bildirib ki, təyyarənin qəzaya uğradığı saatlarda Qroznı yaxınlığında vəziyyət çətin olub: Ukrayna pilotsuz təyyarələrinin terror hücumları səbəbindən “Xalça” planı tətbiq edilib.
