Azərbaycan Dövlət Təhlükəsizlik Komitəsinin sədri olmuş (1989–1991) Vaqif Hüseynov vəfat edib.
NOCOMMENT.az apa-ya istinadən xəbər verir ki, bu barədə “Moskovskiy Komsomolets” qəzeti məlumat yayıb.
Bildirilib ki, Vaqif Hüseynov ömrünün 82-ci ilində dünyasını dəyişib.
Qeyd edək ki, Vaqif Hüseynov 27 noyabr 1942-ci ildə Quba şəhərində anadan olub.
Orta təhsilini başa vurduqdan sonra 1961–1964-cü illərdə SSRİ Silahlı Qüvvələrində hərbi xidmət keçib.
1971-ci ildə Azərbaycan Dövlət Universitetinin jurnalistika fakültəsini bitirib.
Ali təhsilini başa vurduqdan sonra jurnalist kimi bir sıra mətbu orqanlarda — “Sport”, “Molodyoj Azerbaydjana”, “Olimpiyskaya Panorama” qəzetlərində, o cümlədən Azərbaycan televiziyasında fəaliyyət göstərib.
