Azərbaycan güləşçilərinə 34 000 dollar veriləcəkbackend

Azərbaycan güləşçilərinə 34 000 dollar veriləcək

  • whatsapp
  • messenger
  • telegram
  • vkontakte
  • odnoklassniki

Dünya Güləş Birliyi (UWW) 2022-ci ilin yekun reytinq siyahısında ilk “üçlük”də yer alan güləşçilərə veriləcək pul mükafatının məbləğini açıqlayıb.

NOCOMMENT.az xəbər verir ki, dünya sıralamasındakı mövqelərinə əsasən, Azərbaycanın 10 güləşçisi də mükafat əldə edib.

İli lider kimi tamamlayan yunan-Roma güləşçilərindən son dünya çempionu Eldəniz Əzizli (55 kq), mundialın bürünc mükafatçıları Taleh Məmmədov (63 kq), Həsrət Cəfərov (67 kq) və gümüş mükafatçı Ülvi Qənizadə (72 kq) 5 000 dollar qazanıblar.

Digər “klassiklər”dən Rafiq Hüseynov (82 kq) 3 000 dollara yiyələnib. Murad Məmmədov (60 kq) və son mundialın daha bir bürünc mükafatçısı Arif Niftullayev (97 kq) isə üçüncü olub və hərəyə 2 000 dollara sahib çıxıblar.

Sərbəst güləşçilərdən son DÇ-nin bürünc mükafatçıları Osman Nurmaqomedov (92 kq) və Maqomedxan Maqomedov (97 kq) 3-cü olaraq müvafiq məbləğə yiyələniblər.

Qadın güləşçilərdən isə yalnız Elis Manolova (65 kq) fərqlənib. O, ikinci yerdə qərarlaşıb və 3 000 dollara sahib çıxıb.

Beləliklə, Azərbaycan güləşçiləri toplam 34 000 dollar qazanıblar.

Qeyd edək ki, xallar 4 reytinq turnirində, qitə çempionatlarında və dünya çempionatında göstərilən nəticələrə əsasən verilir.