Azərbaycan Respublikasının Kosmik Agentliyi (Azərkosmos) Dünya Telekommunikasiya İnkişaf Konfransı (WTDC-2025) üçün promo məhsulların satınalınmasını planlaşdırır.
NOCOMMENT.az 32gun.az-a istinadən xəbər verir ki, satınalmanın ehtimal olunan qiyməti 268 736,15 AZN təşkil edir. Alınacaq məhsullar arasında bel çantaları, EKO çantalar, termoslar, qələmlər, dəftərlər, karbon karandaşlar, flashcard-lar, maqnitlər, fincan altlıqları, fincanlar, visitcard holder-lar, breloklar, yapışqan stikerlər və müxtəlif pinlər yer alır.
Hər bir məhsulun ölçüsü, materialı, rəngi və xüsusiyyətləri tender şərtlərində dəqiq şəkildə göstərilib. Məsələn:
- Bel çantası: Laptop üçün uyğundur, suya davamlı parça, fermuar və cırt-cırtlı bağlama sistemi; 400 ədəd
- EKO çanta: Qalın toxuma və ya kanvas, 2 300 ədəd
- Termos: 500 ml, paslanmayan polad, BPA-sız qapaq, 2 300 ədəd
- Fincan: Paslanmayan polad və ya BPA-free plastik, 350 ml, 2 000 ədəd
- Brelok, stiker və pinlər: ABS plastik və ya digər materiallar, loqo çapı ilə, 2 300 ədəd və s.
Bu məhsullar konfrans iştirakçılarına təqdim ediləcək və tədbirin korporativ görünüşünü əks etdirəcək.
