Oğuzda fərdi yaşayış evində yanğın baş verib.
NOCOMMENT.az xəbər verir ki, hadisə rayonun Şirvanlı kəndində qeydə alınıb.
Kənd sakini, 82 yaşlı Həcər Yusif qızı Əhmədovaya məxsus, ümumi sahəsi 70 kvadratmetr olan fərdi yaşayış evində baş verən hadisə zamanı evin yanar konstruksiyaları əşyaları ilə birlikdə yanıb.
Yanğının söndürülməsi üçün əraziyə Oğuz rayon Dövlət Yanğından Mühafizə Hissəsinin texnikaları və şəxsi heyəti cəlb edilib.
Faktla bağlı araşdırma aparılır.
