Azərbaycanda karantin rejimi yenidən sərtləşdirilə bilər – VİDEObackend

Azərbaycanda karantin rejimi yenidən sərtləşdirilə bilər – VİDEO

  • whatsapp
  • messenger
  • telegram
  • vkontakte
  • odnoklassniki

Son günlər ölkəmizdə koronavirusla bağlı statistikada artım müşahidə olunur. Dünən COVID-19-a 59 nəfər yoluxub. Hazırda hər kəsin ehtiyat etdiyi məqam karantin rejiminin yenidən sərtləşdirilməsi məsələsidir ki, aidiyyəti səhiyyə qurumları bununla bağlı birgə məlumat yayıb.

Azərbaycanda karantin rejimi yenidən sərtləşdirilə bilər.

Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB-in yaydığı birgə məlumatda qeyd edilib ki, son günlərdə COVID-19 infeksiyasına yoluxanların sayında artım müşahidə olunur. Yoluxma dinamikası intensivləşəcəyi təqdirdə müvafiq addımların atılması məsələsinə baxıla bilər. Ümumdünya Səhiyyə Təşkilatının məlumatına görə, ötən həftə ərzində qlobal olaraq xəstəliyə yoluxma halları təxminən 20 faiz artıb. TƏBİB-in infeksion nəzarətin təşkili şöbəsinin müdiri Nəzrin Mustafayeva isə bu artımın ölkəmizdə 2,5 dəfə artıq olduğunu bildirib.

Bununla belə, yoluxanların sayında artımın müşahidə edilməsi xəstəliyin ağır keçməsinə səbəb olan amil deyil. Lakin vaksinasiya ilə yanaşı, xüsusi karantin rejiminin qaydalarına riayət olunması tövsiyə edilir.

Bundan əlavə, qeyd olunub ki, dünyada müşahidə olunan yüksək artım fonunda ölkəmizdə həyata keçirilən mühüm preventiv tədbirlər, eyni zamanda əhalinin vaksinasiya prosesində aktiv iştirakı nəticəsində son bir neçə ay ərzində Azərbaycanda epidemioloji vəziyyətin sabit saxlanmasına nail olunub.

NOCOMMENT.az Xəzər Xəbərin hazırladığı süjeti təqdim edir: