Azərbaycanda 44 nəfər İnsan immunçatışmazlığı virusuna (İİV) yoluxub.
NOCOMMENT xəbər verir ki, bu barədə Narkomanlığa və narkotik vasitələrin qanunsuz dövriyyəsinə qarşı mübarizə üzrə 2022-ci ilin yanvar-iyun aylarının yekununa dair məlumatda qeyd edilib.
Ümumilikdə 1988-ci ildən Səhiyyə Nazirliyinin QİÇS-lə Mübarizə Mərkəzində İİV diaqnozu təsdiq olunmuş 9 806 nəfər qeydiyyata götürülüb (9 485-i Azərbaycan vətəndaşı, 321-i əcnəbi). İİV-ə yoluxanların 6 998-i kişi, 2 808-i qadındır.
Onlardan 3 531-i İİV-ə yoluxma inyeksion narkotik istifadəsi nəticəsində baş verib. Həmin kateqoriyadan olan şəxslərin 2 482 nəfəri hazırda dispanser qeydiyyatındadır.