Bu gün Təhsil Nazirliyi və BP şirkəti arasında bərpa olunan enerji mənbələri üzrə yeni ali təhsil proqramının yaradılması ilə bağlı əməkdaşlıq haqqında Niyyət Protokolu imzalanıb.
NOCOMMENT.az xəbər verir ki, bu barədə təhsil naziri emin Əmrullayev sosial şəbəkə hesabında paylaşım edib.
“Bu əməkdaşlıq çərçivəsində bərpa olunan enerji mənbələri, o cümlədən, bu sahədə istifadə olunan texnologiyalar üzrə yerli mütəxəssislərin hazırlanması üçün mühüm təhsil layihəsinin reallaşdırılması nəzərdə tutulur.
Bu məqsədlə Böyük Britaniya universitetlərindən biri ilə tərəfdaşlıqda yerli ali təhsil müəssisəsində yeni magistr proqramı yaradılacaq.
Bərpa olunan enerji sahəsi üzrə mütəxəssislərin hazırlanması ölkəmizin Milli Prioritetlərinin reallaşdırılması baxımından böyük əhəmiyyət kəsb edir”, – nazir vurğulayıb.
