Azərbaycanın “Avroviziya”da iştirakı TƏSDİQLƏNDİbackend

Azərbaycanın “Avroviziya”da iştirakı TƏSDİQLƏNDİ

  • whatsapp
  • messenger
  • telegram
  • vkontakte
  • odnoklassniki

İctimai Televiziya və Radio Yayımları Şirkəti Azərbaycanın “Avroviziya-2023”də iştirakını təsdiqləyib.

NOCOMMENT.az-ın məlumatına görə, şirkətin Mərkəzi Aparat rəhbərinin müavini Ələsgər Vəliyev APA-ya bildirib ki, 2023-cü ildə Böyük Britaniyada keçiriləcək “Avroviziya” Mahnı Müsabiqəsində Azərbaycan da təmsil olunacaq.

Beləliklə, Azərbaycan qarşıdan gələn “Avroviziya” Mahnı Müsabiqəsində iştirakını indiyədək təsdiqləyən ölkələrin siyahısına qoşulur.

Qeyd edək ki, İctimai TV “Avroviziya” Mahnı Müsabiqəsini Avropa Yayım Birliyinə üzv qəbul edildiyi 2007-ci ildən bəri hər il yayımlayır. Azərbaycan 2008-ci ildə ilk dəfə qitəmiqyaslı müsabiqəyə qatılıb, 2011-ci ildə isə müsabiqənin qalibi olub. Almaniyanın Düsseldorf şəhərinin ev sahibliyi etdiyi müsabiqədə Eldar Qasımov və Nigar Camal “Running Scared” mahnısı ilə Avropanın bütün dövlətlərini arxada qoyub və yarışmanı odlar yurduna gətirib.

Sonuncu dəfə – 2022-ci ildə Turində keçirilən “Avroviziya” Mahnı Müsabiqəsində Nadir Rüstəmli “Fade to Black” mahnısı ilə Azərbaycanı təmsil edib.